ဒု-ဥက္ကဌ ဗော်ညဳသၟဟ်မန်
၁) ဇာတာ
နာဲၚ္ၚိုဲတိင် (က) အ္စာဇၞူမန်ဝွံ ပ္ဍဲသက္ကရာဇ်ဍုင် ၁၂၉၇၊ ဂိတုမာ် (၄) စွေက်၊ တ္ၚဲစန် (ဖေဖဝ်ဝါရဳ ၉၊ ၁၉၃၆)ဂှ် က္တဵုဒှ်မၞိဟ် ပ္ဍဲဇရေင်မအံက် နာဲပိုက်၊ မိအံက် မိသေင်အုံ ကွာန်ထုင်အိုင်၊ ခရိုင်သဓီု၊ ဗြိတိသျှ်မန်ဗမာ၊ တုဲ ယၟုနူဍောတ်တ် မိမခုတ်လဝ်ဂှ် မာံၚ္ၚိုဲတိင်ရ၊ ကောဒေံညးနွံမၞိဟ်(၄)တၠတုဲ ညးဂှ် ဒှ်ကောန်ခဒေံမွဲရ၊၊
(၂) ဘဝ ကတ်ဗ္တောန်ပ္ဍဲလကျာ်ကေုာံဘာပညာသ္ဇိုၚ်
၁၉၅၃- ကလေၚ်လိက်+သွဟ်လိက်ပရိယတ် (တန်ဇၞော်)ဗော်သွးမန်အလုံရာမည၊ ဇၞးလာဘ်ပထမ၊ ဂွံအခေါင် တိတ်တရဴဍုၚ်မ္ၚး၊၊ တန်ဇၞော် အလဵုအသဵု လာဘ်ပထမ (ကော် -အကျဝ်)၊၊ အခိင်ကာလ ကလိဂွံအယုက် (၁၇)ဂှ် ရာံတိတ်နူဘဝတပိုဲတုဲ တိုန်ဘာပညာသ္ဇိုၚ် -တန်လ္ဒေါဝ် ( ၁၉၅၄ - ၅၆ ) ဘာကွာန်ထုၚ်အိုၚ် နူတန်စတ္တုတ္ထ စိုပ်တန် သတ္တမတုဲ၊ ပ္ဍဲ (၁၉၅၈) ဂှ် ပြံင်အာတိုန်ဘာတန်သၠုင် ကေုာံ တန်လုပ်တက္ကသဵု ပ္ဍဲဍုင်မတ်မလီုရ၊ နူဂှ်ဆက်တိုန်ဥပစာကဝ်လိက်မတ်မလီု၊ တက္ကသဵုမတ်မလီု၊ တက္ကသဵုလ္ဂုင်တုဲ ပ္ဍဲသၞာံ (၁၉၆၄) ကလိဂွံတဆိပ်ကြာ B.A. နကဵုသွာင်ဂမၠိုင်
ဘာသာအေန္ဂလိက်(E)၊
ဘာသာဆက်ဆောံဍုင်သအာင်(I.R)၊
သိပ္ပံပရေင်ဍုင်ကွာန်(P.S)၊
ဝင်ဍုင်ပလိုတ် (W.H)၊
ကွတ်အ္စာဘာ(D.I.E)၊
(၃) ကမၠောန်ဂကူဘဝကွးဘာတက္ကသိုလ်
၁၉၅၈- ၅၉ - ဒုဥက္ကဌ၊ ဥပစာကဝ်လိက်/ မတ်မလီု၊ ဂကောံကွးဘာမန်၊တက္ကသိုလ်ဂမၠိုၚ်။
၁၉၅၉ -၆၀ - ဥက္ကဌ၊ တက္ကသိုလ်မတနမလီု၊ ဂကောံကွးဘာမန်၊တက္ကသိုလ်ဂမၠိုၚ်။
၁၉၆၀ -၆၁ - ဒုဥက္ကဌ၊ တက္ကသိုလ်လ္ဂုၚ်၊ ဂကောံကွးဘာန်၊တက္ကသိုလ်ဂမၠိုၚ်။
၁၉၆၂ - ၆၄ - ညးအုပ်နာနာ၊ တက္ကသိုလ်လ္ဂုၚ်၊ ဂကောံကွးဘာန်၊တက္ကသိုလ်ဂမၠိုၚ်။ စၞးကွးဘာမန်၊ တက္ကသိုလ် ဂမၠိုၚ် -နဒဒှ် ကေၚ်ကာ၊ ‘ဂကောံကွးဘာကောန်ဍုၚ်အရၚ်၊ တက္ကသိုလ်ဂမၠိုၚ်’
(၄) ဘဝကၠောန်ကမၠောန် -ဌာနပရေၚ်ပညာအလဵုအသဵု
၁၉၆၀ - ၆၁ - ဂအုပ်ဘာတန်လ္ဒေါဝ်၊ ကွာန်ကအ်ဗိန်၊ ပွိုၚ်ဍုၚ်ကအ်ကြိက်၊ တွဵုရးကရေၚ်၊၊
၁၉၆၄ -၆၈ - ဂအုပ်ဘာတန်လ္ဒေါဝ်၊ ကွာန်ထဳလုၚ်၊ ပွိုၚ်ဍုၚ်လိုၚ်ဗၠဲ၊ တွဵုရးကရေၚ်။
၁၉၆၈ -၇၈ - ဂအုပ်ဘာတန်လ္ဒေါဝ်၊ ကွာန်သာံလှေဝ်၊ ပွိုၚ်ဍုၚ်ဘာအၚ်၊ တွဵုရးကရေၚ်၊၊
၁၉၇၈ - ၈၄ - ဂအုပ်ဘာတန်သၠုၚ်၊ ဍုၚ်ကအ်ကြိက်၊ ပွိုၚ်ဍုၚ်ကအ်ကြိက် (ကေုာံ)တာလျိုၚ် သကိုပ်ပညာ၊ ပွိုၚ်ဍုၚ်ကအ်ကြိက်၊ တွဵုရးကရေၚ်၊၊
၁၉၈၄ - ၈၇ - သ္ကိုပ်ပညာ၊ ပွိုၚ်ဍုၚ်သဓီု၊ တွဵုရးမန်၊၊
၁၉၈၇ -၉၁ - သ္ကိုပ်ပညာ၊ ပွိုၚ်ဍုၚ်မတ်မလီု၊ တွဵုရးမန်။
၁၉၉၁ - ၉၃ - သကိုပ်ပညာတွဵုရး၊ တွဵုရးမန်။
၁၉၉၃ - ၉၅ - သ္ကိုပ်ပညာရးဒေသ (စၟဳစၟတ်) ရးဒေသဗဂဵု။
၁၉၉၅ - ၉၈ - သ္ကိုပ်ပညာတွဵုရး (အုပ်ဓုပ်ကောပ်ကာဲ) တွဵုရးကချေၚ်။
၁၉၉၈ - ၂၀၀၀ -ညးစၞောန် (ဖန်ဖက်) ပညာသ္ဇိုၚ် ဍုၚ်ဗၟာသ္ကုတ်လ္တူ၊၊
(၅) ကမၠောန်ဂကူ - ကာလဘဝယိုက်ဂၠေၚ်ဒၟံၚ် ပရေၚ်ပညာ (အလဵုအသဳ)
၁၉၆၄ -၉၄ - ကမၠောန်သၟဝ်တိ
၁၉၇၄ -၈၅ - ချူကဗျမန်၊ ဒွက်မန် - ဗွဲတၟေၚ် သွက်ဂကောံဂိတဟံသာ(လ္တူစၚ်) သွက်ဂကောံအာဲကၟာဲ ယေန်သၞာၚ်မန်၊ သွက်ပူဂဵု စဵုကဵုလၟုဟ်၊ အ္စာဇၞူဝွံ စိုန်သ္ကီုလ္ပာ်ချူဒွက်တုဲ ပ္ဍဲအခိင်ကာလဂကောံဂဳတမန်ပေင် (၃၀) သၞာံဂှ် ချူထမံက်ထ္ၜးလဝ် အပ္ဍဲအတ္ထုပတ္တိနွံရ၊၊ ပ္ဍဲကဵုဂကောံလျးဟံသာ ညးချူလဝ်ဒွက် နွံၜိုတ် (၅၅) ဒွက် ပ္ဍဲကဵုဂကောံဂဳတတၞဟ်ဟ်တအ်ဂှ် ၜိုတ်(၃၀) ဒွက်နွံရ၊၊
၁၉၈၇ -၉၁ - ဥက္ကဌ - လိက်ပတ်ယေန်သၞာၚ် ၊ပွိုၚ်ဍုၚ်မတ်မလီု၊ ကေုာံ ပရေၚ်လညာတ်လ္တူလိက် ပတ် ပ္ဍဲဒေသမန်လ္ၚဵု။
(၆) ကမၠောန်ဂကူ၊ ဘဝဒိုအ်ဇူ - နူဌာနပရေၚ်ပညာတုဲ
၂၀၀၂ - စဵုကဵုလၟုဟ် -ဂအုပ်ဘာ -လွဳမာန်ပညာ ဗ္တောန်အရေဝ်/လိက်မန် (ကေုာံ)အရေဝ်လိက်အၚ်္ဂလိက်၊
၂၀၀၂ - ၂၀၀၉ - နူပရေၚ်ပညာ၊ ဗော်ဍုၚ်မန်တၟိ နဒဒှ်မၞိဟ်စၞးမွဲတၠ၊ အာစိုပ်ကောံဓရီုဂကောံ(NHER)မၞုံပ္ဍဲ ပယျဵုသေံ
သီိကၠဳဒက်ပတန်ဇုတ်ဃရံၚ်ကဆံၚ် ပညာသ္ဇိုၚ်သွက်ကၟိန်ဍုၚ်၊ ဗွဲတၟေၚ်ပညာ သ္ဇိုၚ်သွက်ကောန်ဍုၚ်အရၚ် (ဗၟာဟွံသေၚ်)တအ်။
နဒဒှ်အ္စာတန်ဗ္တောန်မွဲတၠ ဖျေံဗ္တောန်ကဵုနဲဗ္တောန်ကွတ်ဘာသာနာနာ ကုညမဒှ်အ္စာ၊အ္စာသၟတ်ဗြဴပ္ဍဲဘာဒတန်ဇရေၚ် ညးတၠဒဒိုက်ဂြိပ်ဒဴပၞာန်တအ်၊ လဆောဝ်ပ္ဍဲဇၚ်မာဲ လဆောဝ်ပ္ဍဲမာဲချံက်၊ လဇောဝ်ပၠန် စဴစိုပ် ဗဒိုပ်ညဳသာ ဗော်ဍုၚ်ဍုၚ်မန်တၟိ ဖျေံဗ္တောန်ကဵုနဲဗ္တောန် ကုအ္စာ အ္စာသၟတ်ဗြဴမန်တအ်၊ လဆောဝ်ပၠန် အစိုပ် ဘာတန်သၠုၚ် ကောန်ဂကူမန် ကွာန်အၚ်ဒၚ် ဖျေံဗ္တောန်ကဵုနဲဗ္တောန် (C.C.A ) သ္ပဗဟဵုဆိုက်ဗဒက်ကု ကွး/ကောန်ၚာ်တုဲ ဗ္တောန်၊
(စၟတ်) ဗိုၚ်ကရိုၚ် -ကဵုကသပ်ကုဌာနပရေၚ်ပညာဗော်ဍုၚ်မန်တၟိ။
၂၀၁၀ - ၂၀၁၃ ဥက္ကဌ - ဗော်ဒဳမဝ်ကရေသဳအလုံရးမန်၊
၂၀၁၃ - ၂၀၁၈ ဒုဥက္ကဌ -၂ ဗော်ကောန်ဂကူမန်၊
၂၀၁၈ - စဵုကဵုလၟုဟ် ဒုဥက္ကဌ -၂ ဗော်ညဳသၟဟ်မန် ။
၁၈-၂၀/၀၃/၂၀၂၂ သဘင်သဳကၠဳအလန်ပထမ မၞိဟ်ဂမၠိုင်ထ္ၜပ္တန်နဒဒှ် နာယကမွဲတၠရ၊
(၇) ကမၠောန်ဂကူ၊ ကမၠောန်ကၟိန်ဍုင်
၁၉၅၈ ဂျူလာဲ ၂၃ ဗော်ပၠတရဴဍုင်မန် သၠာဲလွဟ်ကဵုဒဳမဝ်ကရေဇြဳ ပ္ဍဲဍုင်မတ်မလီုတုဲ ပရေင်ဍုင်ကွာန်မန် ကလေင်ချဳ ဓရာင်ကၠုင် အပ္ဍဲဍုင်ပၠန်ရ၊၊ အခိင်ဂှ် နာဲဇၞူမန် ညးကေတ်မံင်တာလျိုင်ကဆံင်လ္တူ ပ္ဍဲဂကောံကွး ဘာတက္ကသိုလ်မန် တုဲချဳဓရာင်မံင်ကမၠောန်ပရေင်ဂကူဂှ် ဂွံစုက်လုက်မံင် ကုရဲဗော်ပၠတရဴဍုင်မန်တအ်ကီုရ၊၊ ညးဝွံလုက်စုက်ကၠောံက္ဍ ကုနာဲထေန်ဗွဲမလောန်ရ၊၊ ဘာတုဲသွက်ဂွံတိတ်အာတိပၠန်ဂတးဂှ် ညးတအ်ညးၜါဟီုဂးလဝ်ညးသ္ကအ်နွံရ၊၊ နာဲဇၞူမန်ဟွံ ဒှ်တိတ်တုဲ စၞးဂှ် နဒဒှ်မၞိဟ်သၟဝ်တိမွဲ သွက်ဗော်ဍုင်မန်တၟိ ပွိုင်(၃၀)သၞာံ ညးကေတ်ကၠုင်တာလျိုင်ရ၊၊
နာဲဇၞူမန်ဝွံ (၂၀၀၀) သၞာံဂှ် စလာပ်ဇူ ဒေါအ်နူကမၠောန်ကေင်ကာသၟိင်တုဲ နဒဒှ်မၞိဟ်တပ်တးမွဲ ဂွံဒုင်အထိုင်သးမၞိဟ် ဂမၠိုင်ရ၊၊ ပ္ဍဲသဘင်မာဲ (၂၀၁၀) ဂှီ နာဲဇၞူမန်လုပ်ပြိုင်သွက်အမာတ်စၠတ်ထဝ် ညးဍုင်ကွာန် ပ္ဍဲပွိုင်ဍုင်ကျာ်မြဟ်၊ နာဲဇၞူမန်ကလိဂွံမာဲ ၁၆၂၈၁၊ ဗော်ကျဖေါတ် မိယေန်ဆာန် ကလိဂွံမာဲ ၁၅၉၂၆၊ နကဵုမမာဲ နူကဵုရုင်မာဲတအ်ဂှ် ၜိုန်ရနာဲဇၞူမန်ဇၞးကီုလေဝ် နကဵုမမာဲဒစးဒုင် မပလံင်နင်နူဇမ္ၚောဲစိုပ်ကၠုင်တုဲ နာဲဇၞူမန်ဒးဒုင်ကျအာရ၊ စပ်ကဵုကိစ္စဏံတုဲ ပရေင်ဟွံတပ်တးတအ်နွးဒၟံင်ရောင်ဂှ် ဟီုဂးလဝ်နွံရ၊၊
(၈) ဒက်သ္ၚိကၟိန်
နာဲဇၞူမန်ဝွံပ္တဴအိန်ထံင်ဒက်သ္ၚိကၟိန် ကုအ္စာ မိဨသာန်(B.A. BED) ဇာတိကွာန်လၟိုင်၊ ပွိုင်ဍုင်ရေဝ်တုဲ ညးတအ် ကလိဂွံကောန် ဝုတ် (၃)တၠရ၊၊
(၉)ကၞောတ်ဘဝ
ပ္ဍဲသက္ကရာဇ်ဍုင် (၁၃၈၅) သၞာံ၊ ဂိတုပုဟ်(၁၃) မံက်၊ တ္ၚဲအၚာ၊ သၞာံခရေတ် (၂၀၂၄)၊ ဂိတုဂျာန္နဝါရဳ (၂၃)၊ အခိင်လ္ဒောဝ်တ္ၚဲ (၁၂) ပြင်ဂှ် မ္ဒးစုတိစဴအာဘဝပလိုက် နကဵုယဲမၞိဟ်အာယုက်ဇၞော် ပ္ဍဲရုင်ဂဥုဲအေယှတဝ်ဝေန်၊ ဍုင် လ္ဂုင်တုဲ အခိင်ဂှ် ညးကလိဂွံအာယုက် (၈၈)သၞာံရ၊ ဥတုဇကလာပ်ရုပ်ညးမသှ်ေသၟေဟ်မံင်ဂှ် ကေတ်ဖျဴ ဍုင်မတ် မလီုတုဲ ဂိတုဂျန္နဝါရဳ (၂၅) တ္ၚဲဗြဴဗ္တိ ဂှ် ကၠောန်သ္ပအစဳဇန် သ္ပဂါရဝ ဗ္စာရဏာဇွကမ္မဌာန် စံင်ဇွဂြဇုတ် ပ္ဍဲသုသာန် (ပိန္နဲကုန်း) ဍုင်မတ်မလီုရောင်၊၊
နာဲဇၞူမန်
ညးစၞောန် ၊ဖန်ဖက်
ပညာသ္ဇိုၚ် (ဒိုအ်ဇူ)
နိဿဲကဵုပရိုင်ဗၠးၜးမန် ပရိုင်လ္တူလိုင်ဂမၠိုင်တုဲ သ္ပလဝ်အာပ်ဒုက်ရ
0 comments:
Post a Comment