တၠကဳဗတ် TalaKeyboard (IOS)

TalaKeyboard

ကဳဗတ်သွက်စက် အေပ်ဗဴလ်(IOS) မခၞံကၠောန်ပ္တိတ်လဝ်တ္ၚဲဏံဝွံ ကဵုလဝ်ယၟု နကဵုယၟုပူဂဵု ညးမကၠောန်ပ္တိတ်လဝ်ကဳဗတ်ရ၊ ယၟုဝွံ ယၟုလုပ်သၞောဝ်ဟီုမာန်ရ၊၊  ကဳဗတ်ဏံဝွံ နဲသုင်စောဲဍေံ နဲကဲတက်လိက်တုပ်သၟဟ်ကဵု ကဳဗတ်သွက်ခမ်ပျူတာ(Mac) သွက်ခမ်ပျူတာ(Window) မခၞံလဝ်တုဲတုဲတံဂမၠိုင်ရ၊ ခအာင်ခံက်အင်ဒၞဲါမအက္ခရ် ဟိုတ်နူဍောတ်နူကဵု ခမ်ပျူတာဏီတုဲ ဗီုပြေပြံင်ဂှ်  ချိင်စွံလဝ်မအက္ခရ်ဂမၠိုင်ရ၊၊ ဗီုပြင် ပြေင်မအက္ခရ် တက်လိက်ဂမၠိုင်တံဂှ် အတိုင်ကၠုင်နူကဵု သၞောတ် (system) ယူနဳကုဒ်ဟေင်ရ၊၊  ဗီုနွံပၟိက်ဂှ် ပလေဝ်ပလေတ်လဝ်ဟွံမွဲရ၊၊ ပိုဲတံခၞံဗဒှ်လဝ် အယာံမာတ်ခုင်တက်လိက်ဟေင်တုဲ မအက္ခရ် ယူနဳကုဒ်တံဂှ် ပိုဲတံခၞံဗဒှ်ဟွံဂွံရ၊၊ ဗီုဂွံသ္ပ(install) ကဳဗတ်ဏံဂှ် လုပ်ဗှ်ကေတ် အပ္ဍဲ (App) ဏံမာန်၊ အာဗဵုကေတ်ဗဳဒိယော ပ္ဍဲ (youtube)လေဝ်မာန်ရ၊၊ သီုဖအိုတ် ကဳဗတ်နွံ(၄)ဂကူရ၊ မန်(၁)ဂကူ ကေုာံ ကရေင်(၃)ဂကူရ၊၊ အတိုင်အစဳဇန် ကဳဗတ်ကောန်ဍုင်အရင်ၜိုတ်နွံမိက်ဂွံခၞံပ္တိုန်ဖအိုတ်ရ၊ ဟိုတ်နူဟွံကၠိုဟ်အကာဲအရာမအက္ခရ်လိက်ညးတံလးလးတုဲ ဟွံဒှ်ခၞံရ၊ ကဳဗတ်သွက်စက်အေန်ဒြေက်ဂှ် အစဳဇန်ခၞံဟွံမွဲရ၊၊

ဥပၟာ ဗီုပြင်တက်လိက်

         က သွေမူ ကၞာတဲ ဂစိုတ်ကန်  ဒှ်          = ကောန် 

       က ကွက်လ သွေမူ ကၞာတဲ ဂစိုတ်ကန်  ဒှ် = ကၠောန်

သုင်စောဲကဳဗတ်ဏံမ္ဂး ဒးတက်လိက်သာ်ဝွံရ၊ ကာလတက်လိက်မ္ဂး တက်အာအတိုင်မကတ်လ္ၚတ်လဝ်ဗီုဂွံဗ္ဂပ်ဂစိုတ်(၁၀)၊ ဟီုမွဲနဲပၠန် အတိုင်လၟေင်သာတ်လဝ်ကကၟာတေံရ၊၊  တက်လိက် မအက္ခရ်ယူနဳကုဒ်မ္ဂး တက်အာအတိုင်ကတ်လဝ်လိက်မန်မ္ဂးဒးအာဖအိုတ်ရ၊၊

ဒၞဲါဒးသမ္တီနွံညိည၊ 

ဥပၟာ-အတိုင်သၟဝ်

   (၁)     ရှ်ေသှ်ေ    (မလိက်ခ္ဍန်-တက်လိက်ဟွံဗက်သၞောဝ်)

            ဒယှ်ေ 

            ပတှ်ေ       

   (၂)     ရေဟ်သေဟ်  (အတိုင်သၞောဝ်တက်လိက်) 

           ဒယေဟ်

           ပတေဟ်

ဥပၟာ (၁ ကဵု ၂)ဂှ် ကာလဗှ်လိက် ရမျှာင်တိတ်တုပ်ပ်တုဲ ကာလတက်လိက် ဗီုပြင်တၞဟ်ခြာနွံညိညရ၊ ပတုပ်ကဵုမအက္ခရ်အေန္ဂလိက်မ္ဂး info ဂှ်ကၠုင်နူ information ၊၊  intl ဂှ်ကၠုင်နူ international ရ၊ စပ်ကဵုမလိက်ခ္ဍန်တံဂှ် မၞိဟ်စိစောန်လိက်တံ သုင်စောဲမာန်တုဲ၊ မလိက်အတိုင်သၞောဝ်တံဂှ် မၞိဟ်မကတ်လ္ၚတ်လဝ်တၟိတၟိတံ ဗှ်ကၠိုဟ်သမ္တီလောဲရ၊၊ ညးမာန်အာလိက်တုဲတံဂှ် ဗီုညးဒးစိုတ် ညးသုင်စောဲမာန်ရ၊၊ 

         

ပ္ၚံက်ဏံပိုဲထပ်စိုပ်ပၠန်

ပ္ၚံက်ပွမ္ဒးပြံင်သၠာဲမွဲမွဲဟီုဂှ် လညာတ်ဟွံတုပ်သၟဟ် လ္တူညးမွဲကေုာံညးမွဲ နွံရောင်၊ ဂၠံင်တၟိခလံက်ခနက် နွံညိညဏောင်ဂှ် တီကေတ်လဝ်တုဲတုဲရောင်၊ ကာလပိုဲတံတတ်ၜက်အာတုဲမ္ဂး တီကၠးအာဗွဲမတုပ်သၟဟ်ရောင်၊၊ နူကဵုဇြဝ်ဂျဳ ပိုဲတံဂွံပြံင်စပ်ယူနဳကုဒ်ဂှ် နွံကၠုင်ကဵုပရေင်ခက်ခုဲ ထပ်ကဵုထပ်ရ၊၊ မအက္ခရ်ယူနဳကုဒ်သွက်ကၟိန်ဍုင်ဗၟာ ဝါရှေန် (version) ကၠာအိုတ်တေံ  ဗက်လဝ်အခိုက်အလိုက် မလိက်ဇြဝ်ဂျဳတုဲ ပြံင်ကၠောံစိုပ် ယူနိကုဒ်မာန်ကၠုင်ရ၊၊ ယူနဳကုဒ် ဝါရှေန် လက္ကရဴအိုတ် ပ္ဍဲသၞာံ၂၀၂၃  စိုပ်ကၠုင် ဝါရှေန်(၁၅) ပြင်ကၠုင်ယျ၊ အခိုက်အလိုက်ဇြဝ်ဂျဳလေဝ်ညောန်ကြပ်ကၠုင်ကဵုအိုတ်ကီုရ၊၊ ယဝ်ခါရကၠောန်ခၞံပ္တိုန်ကဳဗတ်တၟိမ္ဂး နဲတက်လိက်ဂှ် ဒးဒှ်ဗီုပြင်ကဳဗတ်ဏံ ဖအိုတ်ရ၊၊ ခၞံပ္တိုန်တၟိမ္ဂး ကဳဗတ်ဗၟာလေဝ် ဒးဒှ်ဗီုဏံကီုဏောင်၊ ယူနဳကုဒ်မ္ဂးဂှ် သၞေတ်ဗ္ၜတ် (system)ဍေံ နွံတုပ်ပ်ဖအိုတ်ရ၊၊ ကဳဗတ်တြေံတေံဂှ် သ္ပအာပ်ဒုက် (up date)ဂွံ၊ ဒှ်မံင်သာပ်ပတ်(support) ကုစက်ပိုဲတံဏီမ္ဂး ဆက်သုင်စောဲအာ ဂွံမံင်ဏီရ၊၊ ယြဴညးလဵုမွဲဟွံဟီု တ္ၚဲရဒးကၠောန်တၟိမ္ဂး မအက္ခရ်ယူနဳကုဒ် သီုဖအိုတ်တံဂှ် ဒးအာဂၠံင်တုပ်ပ်ဖအိုတ်ရ၊၊ ဆက်သုင်စောဲမံင် ကပေါတ်စက်ဂတာပ်ခေတ်ဏီမ္ဂး ပ္ၚံက်ဏံညးလဵုလေဝ်ပဲါဟွံဗၠးရ၊ ဒးဒှ်ဗီုဏံဂှ် မၞိဟ်တံတီလဝ်နွံဗွဲမဂၠိုင်ရ၊၊  

စပ်ကဵုမအက္ခရ်ယူနိကုဒ် ပ္ဍဲကဵုပိုဲ ပရေင်ဟွံစှ်ေစိုတ် နွံဗွဲမဂၠိုင်ရ၊ ယဝ်ခါရ ပိုဲမိက်ဂွံပလေဝ် သ္ပအာပ်ဒုက်မွဲမွဲနွံမ္ဂး ဒးလုပ်ကဵုညးတၠသ္ၚိ ညးမခၞံဗဒှ်လဝ် ယူနဳကုဒ် The  Unicode Consortium ရောင် ၊၊ ပိုဲတံဂှ် ဒှ်မၞိဟ်သုင်စောဲတုဲ ဗီုညးခၞံလဝ်ဟေင် ပိုဲတံဒးသုင်စောဲရ၊၊ ပိုဲတံပလေဝ်ကေတ်ဟွံဂွံ ဖန်ကေတ်ဟွံတုဲရ၊ ပိုဲတံပြာပ်အာဇရေင်ညးတုဲ ဗီုပိုဲမိက်ဂွံဒှ်ဂှ် ချပ်စကဵုညးတုဲ ညးကဵုရီုဗင်မာန်ဏောင် ထေင်ကေတ်ရ၊၊ မအက္ခရ် ယူနဳကုဒ်ဝွံ ပဲါနူကမ္ပဏဳ The  Unicode Consortium တုဲ ညးလဵုမွဲလေဝ် ပလေဝ် ပလီု ဟွံဂွံရ၊၊

ပစ္စုပ္ပန်ဘဝပိုဲတံလံက်(locked)လဝ်ကၠက်ၜေက်မံင်မ္ဂး ဇၟာပ်အနာဂတ်ပရေင်ပြံင်လှာဲ မပြာပ်ကၠုင်စိုပ်ဇရေင်ပိုဲ  ပိုဲဒးတတ်အာ သီုလၞီလၞာ် ဇၞော်ကဵုဇြဟတ်မာန်ရ၊၊

ကဵုဂွံမိပ်မြဟ် အပ္ဍဲကဵုပရေင်လ္ၚတ်ဗှ်မာန်ညိအဴ၊

 ဖိုလ်ဂ

Posted in: ကဳဗတ်တက်လိက်မန်(IOS)