တရဴဍုင်မန် (Mon State Traveller)

 

သပ်ဝဴလ်(app)ဏံဝွံ စကၠောန်ကၠုၚ်မံၚ် နူကဵုယဲကပ် ၁၉ ဟွံစက္တဵုဒှ်လ္တူဍုၚ်လိုက်ဏံဏီရ၊ အကြာပရေၚ်ဗုၚ်ဂၞဴ ကေတ်အခိၚ် အပ္ဍဲမွဲတ္ၚဲ အကြာမွဲနာဍဳ ကဵုၜါနာဍဳတုဲ ကၠောန်ကၠုၚ်မံၚ်သိုက်က်ရ၊ ယဲကပ်က္တဵုဒှ်တုဲ ဒေါံဇူလဝ်ၜါပိဂိတုတုဲ ကၠောန်ပ္တုဲလဝ် သပ်ဝဴလ်(app) အက္ခရ်မန်မွဲကီုရ၊ နူဂှ်တုဲ သီုအခိၚ်မက္ဍန်ဂြက် ဂစာန် ပတုဲကၠုၚ်လဝ် (app) တရဴဍုၚ်မန်ဏံရ။ သွက်ညးနွံပၟိက်ကတ်အရေဝ်မန်ကီု အရေဝ်အေၚ်္ဂလိက်ကီု ဗွဲသဇိုၚ် သွက်ဂွံ သုၚ်စောဲအရိုဟ်တ္ၚဲ ဒှ်အထံက်မာန်ရောၚ်ရန်တၟံလဝ်ကီုရ၊၊

 

App ဏံ နူကဵုစကၠောန်တေံဂှ် နူကဵု သပ်ဝဴလ် အေဲန်ဒရေက် (android) version 8.0  တုဲ အခိၚ်ကါလအာစိုပ်ဒတုဲဂှ် ဒှ်အာ version 11 ရ၊ ဂွံဆက်သုၚ်စောဲဂွံဂှ် ဒးကလေၚ်ဗက်ပလေဝ် နူကဵုတမ် စဵုကဵုစိုပ်ကၞောတ်ရ၊ app ဏံစိုပ်ဒတုဲဂှ် မၞုံဇမၠော် size 375 mb တုဲ ပတိုန်လ္တူ play store ဟွံဂွံရ၊ နူဂိတု အဝ်ဂါတ် 2021 ဂှ် သၞောဝ် အေဲန်ဒရေက် ပြံၚ်သၠာဲအာတုဲ app မၞုံ size 150 mb လ္ပာ်သၟဝ်ဟေၚ် ပတိုန်လ္တူ play store ဂွံရ၊၊ လ္တူအကာဲအရာပရေၚ်ပြံၚ်သၠာဲ အဆက်က်ဂှ် ဒးကလေၚ်ကုတ်ဆက်ပလေဝ် ထပ်ကဵုထပ်နွံရ၊

  

သပ်ဝဴလ်ဗီုဏံဂှ် အကြာဂကူညးတၞဟ်နွံဗွဲမဂၠိုၚ်ရ၊ ဂွံကတ်လ္ၚတ် နကဵုသဇိုၚ်ဘာသာမန်ဂှ် ဗွဲမအောန်ရ၊ တရဴပညာ(IT) အာစိုပ်သ္ၚောဲလဵုမာန်ရောဂှ် အပ္ဍဲပိုဲမၞိဟ် တော်တီကေတ်မာန် အောန်မံၚ်ဏီရောၚ်ထေၚ်ကေတ်ကီုရ၊၊ သပ်ဝဴလ်ဏံဂှ် ၜိုန်ရဟွံစိုပ်တရဴ က္ဍိုပ်ကၠံပေၚ်ၚ် ကီုလေဝ် သွက်ညးနွံပၟိက်တံ ဒှ်ဒတုဲဖဵုဇၞော်ဇၞော်မွဲမာန်ဏောၚ် စၟဳရန်လဝ်ကီုရ။ အရေဝ်ဝေါဟာရ ၜိုတ်ဇဴညာဏ် ချပ်ညာတ်အာဂှ် စုတ်ဗပေၚ်လဝ် ၜိုတ်ကရိုက်ရုမ်ဂပ်နွံကီုရ၊ ဆ္ဂး ရပ်လဝ်ရမျှာၚ်သီုဖအိုတ်တံဂှ် ဟွံစိုပ်တရဴ လးလးကီုရ၊၊ ဟိုတ်နူ လဇုဲလဇလအ်လအာတုဲ ခရေက်ပတုဲလဝ်ရ၊၊

 

ကုညးမသုၚ်စောဲ(app) ဏံဂှ် ဗွဲတၟေၚ်ကုညးအာကတ်လ္ၚတ်ဇရေၚ်အ္စာဟွံစိုပ်တံ မိက်ဂွံကဵုဏာကသပ်ရ၊ (app)ဏံဂှ် ၜိုတ်ပ္တုဲပၟိက်မွဲချိုန်ခဏဟေၚ် ရေၚ်တၠုၚ်ကဵုမာန်ရ၊ နွံပၟိက်မိက်ဂွံလေပ် ဗွဲမချိုတ်ပၠိုတ်မ္ဂး လုပ်ကဵုအ္စာမွဲမွဲ မာန်မ္ဂး ဒးရးအိုတ်ရ။

 

ကောဒေံပိုဲ မိဿဟာဲပိုဲ သကအ်ရဲပိုဲ ပိုဲမိက်ဂွံရီုဗၚ် ကဵုကတ်လ္ၚတ်အရေဝ်အခြာပိုဲကီုမ္ဂး နူကဵုဌာန်ဇမ္ၚောဲ ရီုဗၚ်ပါ်ပရအ် ပလံၚ်ဗစိုပ်(Share) ဏာဗွဲမလောဲသွာရောၚ်။

 

သပ်ဝဴလ်မွဲမွဲဂွံစိုပ်ဒတုဲမာန်ဂှ် ဒးကဵုလဝ်အခိၚ်ဗွဲမလအ်လကီုရ၊ ၜိုန်ရဟွံဒှ်ကမၠောန်ဂယိုၚ်လမျီမွဲကီုလေဝ် သွက်ညးကၠောန်သပ်ဝဴလ်တံ ဂွံဍောၚ်ပြေမာန်ကီုဂှ်  သွက်ညးမရပ်စပ်သုၚ်စောဲ (app)ဏံဂှ် ကေတ်လဝ်ၚုဟ်ဒဝ်ဠာ $1.49 ကီုရ။  စပ်ကဵုကေတ်လဝ် ၚ္ၚုဟ်မးဂှ် ချိၚ်လဝ်ကေတ် 1.35 တုဲ ဒှ်အာ 1.49 ဂှ် နူကဵုသ္ၚိ သတဝ်ဂူဂဴလ် ထ္ၜုတ်လဝ်ကဵုတုဲ ပြံၚ်သၠာဲအာနွံရ၊

 

App ဏံဂှ် သွက်စက် android ဟေၚ်ကလိဂွံမာန်ရ၊ ဗီုဂွံဂြဲကေတ်နူကဵု play store မာန်ဂှ် တၚ်ခက်ခုဲနွံမ္ဂး ချူစွံလဝ်ကဵုအပ္ဍဲ command box သၟဝ်ဏံညိ၊ ဆက်ပတိုန်ထ္ၜးကဵုပၠန်ရောၚ်၊၊

ဆဵုဂဗတၚ်ဍိုန်လျနွံမ္ဂး ထံက်ထ္ၜးမာန်ရောၚ်။

ဗီုဂွံရာန်ကပေါတ်လ္တူ play storeဂှ် ဗဵုအဏံမာန်ရောၚ်၊၊

Apps မကလိဂွံမာန်ဂမၠိုၚ်

ဖိုလ်ဂ

Posted in: Mon Speaking,မွန်စကားပြော,လ္ၚတ်အရေဝ်အေၚ်္ဂလိက်မာန်