သၟာပရေင်ဍုင်ကွာန်မန်သ္ကိုပ်ဝန်ဇၞော်ကောန်ဍုင်အရင် နာဲသိုက်လောန်ဝွံ ပ္ဍဲစၟတ်တ္ၚဲ Sept -၂၀-၂၀၂၃ ဂိတုဘတ်(၆)မံက် တ္ၚဲဗုဒ္ဓဝါ အခိင်သဝ်တ္ၚဲ (၇) နာဍဳပြင်ဂှ် စုတိကလိလောန်စဴအာ ပ္ဍဲရုင်ဂဥုဲ ဂါန်တာယာ လ္တူဍုင်လ္ဂုင် နကဵုယဲကောန်တၟံရောင်၊ အခိင်ညးစုတိအာဂှ် ကလိဂွံအာယုက် (၈၃)ရ၊၊
စၟတ်တ္ၚဲ Sept 22-2023 ဂိတုဘတ်(၈)မံက် တ္ၚဲသိုက် အခိင််တ္ၚဲစေင် (၂)နာဍဳဂှ် ဗ္စာရဏာပလံင်ဇွကမ္မဌာန် ပ္ဍဲသုသာန် (ပိန္နဲကုန်း)တေံရ၊၊
ပ္ဍဲသၞာံ (၂၀၁၅) လက်ထက် (NLD) ဇၞးမာဲ ဂွံအခေါင်ပံက်အလဵုသဳကၟိန်ဍုင်ဂှ် ဂွံဒုင်ဂိုင် နဒဒှ်ညးတာလျိုင် သ္ကိုပ်ဝန်ဇၞော်ကောန်ဍုင်အရင် ကဆံင်ကၟိန်ဍုင်ရ
တၠပရေင်ပိုန်ဒြပ် သေဌဳမန် နာဲဗညာသာန်ဂှ် မဒှ်ကောန်နာဲသိုက်လောန်မွဲတၠတုဲ၊ အမါတ်ကၠတ်ထဝ်ညးဍုင်ကွာန် နူကဵုဗော်(NLD) ပွိုင်ဍုင်ပံင် မၞုံယၟု မိကောန်ဆာန်ဂှ် မဒှ်ကောန်ဝုတ်နာဲသိုက်လောန်မွဲတၠကီုရောင်။
နာဲသိုက်လောန်ဝွံ နူကဵုသၞာံ (၁၉၅၈) တေံ ညးစချဳဓရာင်ကၠုင်ပရေင်ဍုင်ကွာန်ရ၊
ညးဝွံ
ပ္ဍဲကမ္မတဳထၟံက်ပ္တန်ကယျိုင်မန် ကီု၊
ပ္ဍဲကဵုသၞာံ (၁၉၈၈) စဒက်ပ္တန် ဗော် MNDF ဂှ်ကီု၊
ပ္ဍဲကဵုဗော် MNP ကီု၊
ပ္ဍဲကဵုဗော် MNP ကီု၊
နဒဒှ် ဒု-ဥက္ကဌဂှ် ယိုက်ဂၠေင်ကေတ်ကၠုင်တာလျိုင်တုဲ၊
ကမ္မတဳကၠောန်ဗဒှ်တ္ၚဲကောန်ဂကူမန် နဒဒှ် ဥက္ကဌ အလန်ဗွဲမဂၠိုင်ကီု၊
ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ (အလုံဒေသရးမန်) ကေတ်ကၠုင်လဝ်တာလျိုင်ကီုရ၊၊
ပ္ဍဲအခိင်ဗော်(NLD) ဇၞးမာဲ ဒက်ပ္တန်အလဵုသဳကၟိန်ဍုင် ပ္ဍဲ(၂၀၁၅ )ဂှ် ညးမဂွံဒုင်ရုဲစှ်ကေတ် နဒဒှ်သမ္မတကၟိန်ဍုင် နာဲထေန်ကျဝ် ပ္တိုန်ထ္ၜးကဵုဂလာန်သွက်ညးတုဲ ဂွံခန်ကၞက်ဒုင်ဂိုင်ကေတ်ကဆံင် သ္ကိုပ်ဝန်ဇၞော်အရာကောန်ဍုင်အရင် ကဆံင်ကၟိန်ဍုင်ရ။
နာဲသိုက်လောန်ဝွံ ပ္ဍဲသၞာံ(၁၉၄၀)ဂှ် က္တဵုဒှ်မၞိဟ် ပ္ဍဲကွာန်ကအ်ကြိက် ပွိုင်ဍုင်ကျာ်မြဟ်ရ၊ ယၟုမအံက်ညးဂှ် နာဲလုင်တေန် ယၟုမိအံက်ညးဂှ် မိကရောတ် တံရ၊၊ ညးဝွံကလိဂွံလဝ်တဆိပ်ကြာ နကဵုဘာသာဒဿနိကဗေဒ ဗဳအေ ပ္ဍဲကဝ်လုက်ဍုင်မတ်မလီု ရ၊၊
ပ္ဍဲသၞာံ (၁၉၇၁) ဂှ် စှ်ေဒၞဲါဝဲါ ပ္တန်အိန်ထံင်ကု မိကျေန်တာန်တုဲ ပ္ဍဲဂြောဝ်ညးတံ ကလိဂွံလဝ်ဇာတ်ပန်တၠ ၁၊ နာဲဗညာသာန် ၂၊ မိကောန်ဆာန် ၃၊ မာံဗညာလ္ဂန်အိန် ၄၊ မာံဗညာအံင် တံရောင်၊၊ လၟုဟ်ဝွံ ဗီုရုပ်စၞးညး မၞိဟ်ဂမၠိုင်ဒက်ပ္တန်လဝ်ဂိုဟ် ပ္ဍဲသၠာတ်ကုန်အာဇာနဲမန် မနွံတန်တဴ ပ္ဍဲကျာ်ပံက်ၜါတုဲ အခိင်ဟွံရုဲ ကၠုင်စိုပ်သ္ပဂရုဂါရဝ ရှ်ေသှ်ေရဴဂဴမာန်ရောင်၊၊
နိဿဲ
၁၊Imna Mon News
၂၊လိက်ဘိက်ဗ္စာရဏာဇွကမ္မဌာန်
၃၊လိက်ဂမြဴစၟတ်သမ္တီကုန်အာဇာနဲ
၄၊ပကောံပကေဝ်ချူအာရောင်၊၊
0 comments:
Post a Comment